![speaker-photo](http://raizames.com/wp-content/uploads/2023/05/PALOMA-RODRIGUEZ-MOURE-1-1.jpg )
Paloma Rodríguez Moure
Naceu nunha familia de viticultores, destiladores e gandeiros. Ao comezo da súa vida a súa maior paixón foi o debuxo, a pintura e a fotografía, e formouse neses ámbitos. Co transcorrer do tempo a terra voltou para chamala e retornou á súa Ribeira, ao seu Miño.
Realizou estudos no ámbito da sumilleria e a viticultura e actualmente forma parte da terceira xeración ao fronte da adega familiar ( Abadía da Cova ) xunto ao seu irmán Adrián e ao seu curmán Xosé. Paloma capitanea un relevo que tamén é conceptual ao apostar pola elaboración de viños máis naturais, nos que prima o respecto á súa orixe sobre a sofisticación nos métodos de elaboración. É tamén a responsable de imaxe e comunicación, da adega.
Continúa nunha búsqueda persoal e artística e considérase infinitamente afortunada por poder facelo na súa terra, protexendo o mellor que pode este legado natural, cultural e máxico da Ribeira.
Sábado 10 de Xuño
ENCONTRO: O VIÑO, UNHA HISTORIA DE MULLERES
LOCALIZACIÓN: Casa da Cultura
PARTICIPAN:
Esther Teijeiro, viticultora e adegueira
Paloma Rodríguez Moure, adegueira
Emilia Díaz, investigadora
Paula Fraga, sumiller e formadora
Ana Cabaleiro, xornalista e escritora
Intervención artística musical, Sabela Rey
CATA GUIADA