![speaker-photo](http://raizames.com/wp-content/uploads/2023/05/MARIA-PICHIN-1.jpg )
María Pichín
Titulada en Danza Clásica, Graduada Superior en Pedagoxía da Danza Clásica.
Intérprete e Docente. Imparte os Obradoiros Cali para Nen@s
Preséntome como amante da natureza, a danza, a educación, o mar, a cor azul e a tranquilidade. Fronte a un mundo de constante movemento e saturación, síntome cómoda e libre na natureza. Desde pequena mantéñome en contacto con ela e necesítoa para sentirme en harmonía. O mesmo pásame coa danza, a miña forma de escape e de desconexión que me permite conectar comigo mesma dun xeito moi sincero.
Unha das miñas grandes motivacións é seguir aprendendo e achegar ao alumnado, ao público e as persoas máis próximas a min, a esencia e a maxia da danza
Sábado 10 de Xuño
ROTEIRO: CANTA ARTE SE AGOCHA NUNHA CUNCA DE VIÑO
(saída e regreso á Praza de Riazón en autobús, previa inscrición)
Percorrido cultural do viño con intervencións artísticas:
Mallou Cantares da Terra, música
María Pichín e Ariadna Vázquez, danza contemporánea
Alba María, poesía oral improvisada
Francisco do Romualdo, narración oral e cantos de cego
Samuel Gómez Díaz, viticultor e membro da Asociación Veciñal-Cultural Vilar Friamonde Mourulle
Héctor Ferreiro Abelairas, viticultor e adegueiro
CATA GUIADA