OS GARDIÁNS DA RIBEIRA PRESENTE

9 de junio de 2023 Novidades

A primeira actividade programada en RaizameS foi a denominada OS GARDIÁNS DA RIBEIRA PRESENTE, un cinema-fórum cun formato combinado entre faladoiro e proxección de pezas documentais sobre a Ribeira Sacra, onde se colocou o foco nas iniciativas que a través do seu desempeño avogan por un desenvolvemento da zona e que colocan o acento sobre as persoas, sobre a cultura propia, sobre a protección do patrimonio menos visible.

Proxectáronse as creacións audiovisuais A verba viva e Adegas da Memoria, presentados en primeira persoa, polos seus propios creadores: Lorena Gallardo (acompañada por Mercedes Vázquez e Humberto Novoa) e Xosé Gago.

Dúas creacións audiovisuais que narran a preservación do patrimonio vitivinícola da Ribeira Sacra, sen a necesidade de inventar un discurso promocional máis alá de transmitir a rica realidade existente; que documentan nomes, caras e historias de vida, faceres, percorrido histórico, e tamén a historia actual e a cultura do viño a día de hoxe.

As veciñas e veciños da Ribeira, en pantalla grande, como transmisores directos de toda esta riqueza, e como protagonistas indiscutibles desta MEMORIA VIVA.

Os documentais proxectáronse de forma ininterrumpida durante os tres días de duración de RaizameS, no auditorio do Cuartel Vello.

OS GARDIÁNS DA RIBEIRA PRESENTE

A modo de cinema- fórum, baixo un formato combinado entre faladoiro e proxección de pezas documentais sobre a Ribeira Sacta, collen voz diferentes iniciativas que a través do seu desempeño avogan por un desenvolvemento da zona que coloca o acento sobre as persoas, sobre a cultura propia, sobre a protección do patrimonio menos visible.

Exhibiranse extractos das creacións audiovisuais A verba viva e Adegas da Memoria, presentados polos propios creadores, que darán conta das arelas e decisións que os levaron a crear ditos materiais.

Así, Lorena Gallardo e Mercedes Vázquez contarán A verba viva e Xosé Gago e Jose Castiñeira, contarán Adegas da Memoria.

O documental A verba viva. Ribeira Sacra. Paisaxe cultural e patrimonio lingüístico é un percorrido pola Ribeira Sacra desde o seu núcleo. Unha viaxe audiovisual a unha paisaxe cultural única que só poden ser entendidas desde as claves que rexen o patrimonio humano e os seus e as súas protagonistas: os ribeiraos e as ribeirás, que achegan o público espectador de primeira man á verdadeira identidade do territorio.

A verba viva promociona a Ribeira Sacra afondando no seu patrimonio lingüístico co obxectivo de recoller, recuperar e divulgar a lingua e os termos propios do xeito de vida da ribeira: artesáns e artesás, viticultores ou viticultoras con herdanza familiar e amantes do río e da terra.

A serie documental, Adegas da Memoria parte dos veciños e veciñas de Vilachá para indagar no pasado e presente da Ribeira Sacra cun ritmo pausado e unha estética coidada, todo acompañado pola voz poética de Olga Novo. A serie está dirixida por Xosé Gago e realizada por Iago Seoane e Rudá Cordaro de Nas Beiras e englóbase no proxecto homónimo promovido do Concello da Pobra do Brollón e a Asociación Veciñal de Vilachá, relevante ao realizar o primeiro gran estudo científico das orixes da Ribeira Sacra en colaboración coa Universidade Nova de Lisboa e o Incipit-CSIC.