PRESENTACIÓN LIBRO: A NACIÓN DOS MIL VIÑOS

11 de junio de 2023 Novidades

Presentación Libro A nación dos mil viños

Presentación do libro, A Nación dos Mil Viños.

RaizameS é tamén palabra escrita. Parecía arriscado convocar unha presentación dun libro, na mañá dun domingo; mais a veciñanza de Taboada e os amantes do viño asistentes a RaizameS, acudiron puntuais e animosos, ao chamamento que levaba por título: A Nación dos Mil Viños.

Arroupados por un nutrido grupo de interesados asistentes, na Casa da Cultura, Martiño Santos, e Xosé Gontá, autores do libro, presentados por Roberto Regal, enólogo, viticultor e coordinador de contidos vitícolas de RaizameS, adentráronnos nunha iniciación combinada á cultura do viño en xeral, á súa proba sensorial e ao panorama concreto dos viños galegos.

Fixéronnos viaxar, a través de A Nación dos Mil Viños ao longo e ancho de toda a xeografía vitivinícola galega actual, acompañando dos elementos históricos e culturais que contextualizan o significado e importancia do viño; tamén ao protagonismo das persoas produtoras e as marcas comerciais como resultado final do traballo.

A poeta labrega de Taboada, Ana Vila Portomeñe, volveu acompañar o acto, dando lectura desta volta, a un estracto do poema de Manuel María adicado aos viños galegos:

Viños galegos, lixeiros de beber,
fuxidíos e fleves como soños!
Non sentindes nos bocois
fondas saudades
da terra e da paisaxe
en que nacíchedes?

Dádeme a vosa compaña,
compañeiros.
Amigos indispensabeis na alegría.
Fidelísimos irmaus na soedade.
Navegan por vós as miñas coitas:
as cuncas nas que estais
son como naves.

PRESENTACIÓN LIBRO: A Nación dos mil viños

A NACIÓN DOS MIL VIÑOS

A Nación dos Mil Viños é a guía galega para adentrarse no mundo do viño, que busca ser unha iniciación combinada á cultura do viño en xeral, á súa proba sensorial e ó panorama concreto dos viños galegos.

Recolle todos os elementos máis destacados que inflúen no seu resultado final e que integran o proceso de creación cada ano desde a viña á copa: os solos, o clima, as variedades de uva, a viticultura e a enoloxía. Tamén as chaves elementais para o seu goce e análise sensorial.

É un repaso descritivo pola xeografía vitivinícola galega actual. Contidos que van acompañados de elementos históricos e culturais que contextualizan o significado e importancia do viño; tamén o protagonismo das persoas produtoras e as marcas comerciais como resultado final do traballo.